BSGG maglumatlaryna görä, 1990-njy ýyldan bäri semiz adamlaryň sany iki esse artdy, planetanyň her sekizinji ýaşaýjysy artykmaç agramdan ejir çekýär. 2022-nji ýylda semiz adamlaryň sany bir milliarddan geçdi diýip, Bütindünýä Saglygy goraýyş guramasyna salgylanyp Gazeta.ru habar berýär.
Soňky onýyllykda artykmaç agramly uly ýaşlylaryň sany iki esse, çagalaryň we ýetginjekleriň sany dört esse artdy diýip, guramanyň Baş sekretary Tedros Adhanom Gebreýesus habar berdi. Ol şeýle-de semizligiň ýürek-damar keselleriniň, diabetiň we düwnügiň birnäçe görnüşlerine sebäp bolup biljekdigini duýdurdy.
Gebreýesus täze ylmy barlaglaryň semizligiň çagalykdan öňüni almaga hem-de ulularda berhiziň, fiziki işjeňligiň, gerek bolan halatynda lukmançylyk kömegiň üsti bilen zyýanyny azaltmaga çagyrdy.