Daşary işler ministr Reşit Meredow 11-nji iýunda Bütindünýä Saglygy saklaýyş guramasynyň ýurtlar boýunça edarasynyň täze direktory, doktor Paulina Karwowska bilen duşuşdy.
Karwowskanyň bellemegine görä, Türkmenistan temmäki önümleriniň ulanylyşyny düzgünleşdirmekde düýpli üstünlik gazandy we temmäki tüssesinden azat gurşawy döretmek ugrunda tagalla edýär diýip, ýurduň DIM-ligi habar berýär.
Şeýle-de, “Türkmenistanda ýokanç däl kesellere garşy göreş çäreleri üçin berk binýadyň döredilendigi” bellendi.
Ýatladýarys, Gurbanguly Berdimuhamedow 2017-nji ýylyň 16-njy aprelinde çilimkeşlige garşy göreşmegiň 2017-2021-nji ýyllar boýunça programmasyny tassyklady. Ol Türkmenistany 2025-nji ýyla çenli temmäkiden azat ýurda öwürmeli.