Britaniýaly Emma Radukanu ABŞ-nyň tennis boýunça Açyk çempionatynyň finalynda Kanadanyň wekili Leýla Anni Fernandesi utdy.
Duşuşyk Zenanlar tennis assosiasiýasynyň (WTA) reýtinginde 150-nji orny eýeleýän 18 ýaşly Radukanunyň peýdasyna 6:4, 6:3 hasabynda tamamlandy. 6-njy sentýabrda 19 ýaşyna ýeten Fernandes dünýä reýtinginde 73-nji setirde ýerleşýär.
Radukanunyň hasabynda WTA-nyň howandarlygynda geçirilen ýaryşlarda ýeňşi ýok. Ol ABŞ-nyň Açyk çempionatynda ilkinji gezek çykyş etdi. Onuň üçin ilkinji “Uly tuwulga” ýaryşy 2021-nji ýylda “Wimbledon” boldy, ol şonda dördünji tapgyra çykdy.
Radukanu 1977-nji ýyldan bäri “Uly tuwulga” ýaryşynda ýeňiji bolan Beýik Britaniýanyň ilkinji wekili boldy, şonda “Wimbledonda” Wirjiniýa Ueýd ýeňiş gazanypdy. Şeýle-de, ol 2004-nji ýyldan, ýagny 17 ýaşly russiýaly Mariýa Şarapowa “Wimbledonda” ýeňiji bolanyndan bäri, “Uly tuwulga” ýaryşynyň iň ýaş ýeňijisi boldy.
Fernandes “Uly tuwulga” ýaryşynyň finalyna ilkinji gezek çykdy, US Open-de çykyş etmezden öň, onuň iň gowy netijesi Fransiýanyň Açyk çempionatynyň (2020) üçünji tapgyryna çykmagy boldy. Tennisçiniň hasabynda WTA-nyň howandarlygynda bir tituly bar.