Beýik Britaniýanyň muzeýinde müsürlileri kemsidýär diýip, mumiýa sözüni gadagan etmekçi bolýarlar. Bu barada Daily Mail neşirine salgylanýan MIR 24 ýazýar.
Mumiýa sözi (balzamirlenendigi üçin çüýremän saklanan jeset) eýýäm muzeýiň gadymy müsürlileriň galyndylary barada gürrüň berýän işgärleriniň dilinden aýryldy. Britanlar bu adalga özleriniň kolonial geçmişlerinden yşarat edýär diýip hasaplaýarlar.
Indi bu söze derek mumiýalanan adam ýa-da mumiýalanan galyndylar diýen sözleri ulanmak teklip edilýär. Britan muzeýiniň bu başlangyjyny Şoltandiýanyň Edinburgdaky muzeýi hem-de Nýukasldaky Beýik Demirgazyk muzeýi goldaýar.
Muzeýiň wekilleriniň pikiriçe, mumiýa sözi köplenç elhençlikler filmlerindäki gorkunç mahluklary ýatladýar. Emma bu söz aslynda kolonial gelip çykyşly bolup, arap dilindäki mummiýa sözünden dörändir we ol balzamlamak üçin jisim bolan bitum sözüni aňladýar.