Beýik Britaniýanyň premýer-ministri Boris Jonson Skotlend-Ýard polisiýa edarasynyň koronawirus çäklendirmeleri döwründe Dauning-stritdäki edarasynda guran meýlisleri bilen bagly soraglaryna jogap berdi. Bu barada düýn Evening Standard neşiri ýazdy diýip, Izwestiýa habar berýär.
Polisiýanyň soraglary beýan edilen şeýle haty şol meýlislere gatnaşanlaryň 50-si aldy. Şeýtmek bilen, polisiýa gullugy bolup geçen wakalaryň ähli ýagdaýlaryny anyklaşdyrmak isleýär, günäkärlere kowide garşy çäreleri bozandyklary üçin pul jerimeleri garaşýar.
Öň Jonson şeýle agşamlara gatnaşandygy üçin resmi ötünç sorapdy.
Şu ýylyň ýanwarynda lokdaun wagty premýer-ministriň Londonyň Dauning-strit, 10 salgydaky edarasynda çakyrly agşamlaryň yzygiderli guralyp gelnendigi habar berlipdi.