2022-nji ýylyň noýabr aýyndaky üpjünçilik bilen Brent söwda belgili nebit üçin fýuçers bahasy Londonyň ICE biržasynda 2022-nji ýylyň 14-nji ýanwaryndan bäri ilkinji gezek barrel üçin 85 dollardan aşak düşdi. Muny söwda maglumatlary delillendirýär diýip, TASS habar berýär.
Biržanyň Aşgabat wagty bilen sagat 11:14-e çenli ýagdaýa görä maglumatlary boýunça, Brent barrel üçin 84,91 dollara çenli düşüp, 1,44% ýitirdi.Sagat 11:25-e çenli Brent-iň bahasy pese gaçmagyny çaltlaşdyrdy we barrel üçin 84,7 dollar derejesinde boldy (-1,68%). Şol bir wagtyň özünde WTI söwda belgili nebit üçin fýuçers 1,83% - barreline 77,33 dollara çenli arzanlady.