Tokiodaky Olimpiýa oýunlarynda erkekleriň arasynda geçirilen futbol ýaryşynda Braziliýanyň milli ýygyndysy ýeňiji boldy. Olar aýgytly oýunda ispaniýalylary 2:1 hasabynda utup, çempion boldular. Oýnuň netijesi goşmaça wagtda çözüldi.
Braziliýalylar üçin bu Olimpiadada yzygider ikinji ýeňiş boldy. Mundan öň olar 2016-njy ýylda Rio-de-Žaneýroda altyn medal gazandylar. Şeýle-de, bu Braziliýanyň topary üçin onuň Oýunlardaky çykyşynyň taryhynda ikinji Olimpiýa altyn medaly boldy.
Finalda aýgytly goly Malkom girizdi. Şeýle-de, braziliýalylardan Mateus Kunýa, ispaniýalylardan bolsa Mikel Oýýarsabal tapawutlandy.
Mundan öň, zenanlaryň arasynda geçirilen futbol boýunça Olimpiýa ýaryşynda ilkinji gezek Kanadanyň milli ýygyndysy ýeňiji boldy. Finalda kanadalylar Şwesiýanyň topary bilen oýnadylar. Duşuşygyň esasy we goşmaça wagty 1:1 hasaby bilen tamamlandy, oýundan soňky penalti seriýasynda Kanadanyň topary güýçli boldy 2:3.