Formula 1 boýunça möwsümiň 20-nji bäsleşigi Braziliýada geçirilip, ilkinji hatardan bat alan gollandiýaly Maks Werstappen (“Red Bull”) ýeňiji boldy.Ol 71 aýlawy 1 sagat 33 minut 14,678 sekuntda tamamlap, şu ýylky 3-nji, karýerasyndaky 8-nji ýeňşini gazandy.
Dartgynly we çekeleşikli geçen ýaryşda 2-nji ýeri fransiýaly Pier Gasli (“Toro Rosso”) eýeledi. Ýaryşy britaniýaly Lewis Hamilton (“Mercedes”) 3-nji hatarda tamamlasa-da, düzgüni bozanlygy üçin 5 sekuntlyk jerime berildi.
Netijede, 3-nji ýere ispaniýaly Karlos Saýns Junior (“McLaren Renault”) mynasyp boldy.Hamilton bolsa, 7-nji ýeri eýeledi. Çempiony mundan ozalky Amerika “Gran Prisinde” belli bolan F1-iň şu möwsümdäki iň soňky ýaryşy 1-nji dekabrda Abu Dabide geçiriler.