Germaniýanyň çempionatynda sanawyň lideri “Borussiýa Dortmund” fewral aýyna geçip, ýeňiş gazanmagy ýatdan çykardy (5 oýun).Kubok bäsleşiginde ýaryşdan çykan, Çempionlar ligasynda-da “Tottenhamdan” 1-nji oýunda 30 utulan dortmundlylar çempionatda bassyr 3-nji duşuşygyny deňlikde tamamladylar.
Olar iň aşaky orunda barýan “Nürnberg” bilen golsuz deňme-deň oýnady.Bu pursatdan ýerlikli peýdalanýan “Bawariýa” topary “Augsburgy” kynlyk bilen hem bolsa ýeňip, dortmundlylar bilen aratapawudy 3 utuga düşürmegi başardy.Italiýanyň çempionatynda “Ýuwentus” bassyr 2-nji duşuşygynda 30 hasabynda ýeňiş gazandy.
Turinliler öz meýdançasynda “Frosinone” toparyny Dibala, Bonuççi we Ronaldonyň gollary bilen ýeňlişe sezewar etdi. “Napoliniň” 2 utuk ýitiren tapgyrynda “Inter” topary “Sampdoriýany” 21, “Milan” bolsa, söbügini basyp barýan “Atalantany” myhmançylykda 31 ýeňdi.