Germaniýanyň wise-çempiony “Borussiýa Dortmund” çempion “Bawariýanyň” awstriýaly ýarymgoragçysy Marsel Sabitseri transfer etdi.Geçen möwsümiň 2-nji ýarymyny “Mançester Ýunaýtedde” kärendesine oýnan Sabitseriň transfer bahasy 19 million ýewro diýlip kesgitlendi. 29 ýaşyndaky oýunçy dortmundlylar bilen 2027-nji ýyla çenli şertnama baglaşdy.
Sabitser “Bawariýadan” öň 7 möwsüm “Leipsigde” oýnapdy. “Rapid Wien” hem-de “RB Salsburg” klublarynda hem çykyş eden Sabitser täze klubunda 20-nji belgili köýnekçäni geýer.