UEFA Çempionlar ligasynda toparçalardaky 3-nji duşuşyklar oýnaldy. Şol oýunlarda 45 gol hasaba alnyp, 4 oýunda myhmanlar, 6 duşuşykda ýer eýeleri ýeňiş gazandy.Deňlikde tamamlanan 6 oýnuň diňe 1-inde hasap açylmady. “Borussiýa Dortmund”, “Barselona” hem-de “Ýuwentus” toparlary bu tapgyrda-da ýeňiş gazanyp, utuklaryny 9-a ýetirdiler.
Russiýanyň “Lokomotiw”, Gresiýanyň AEK toparlary 3-nji duşuşyklarynda-da ýeňlişe sezewar boldular.
“A” toparçada Dortmundyň “Borussiýasy” öz meýdançasynda Madridiň “Atletikosyny” kabul etdi. 38-nji minutda Witsel bilen 10 öňe saýlanan nemes topary 2-nji ýarymda ýene-de 3 gol geçirdi.
Gollaryň 2-sini çep goragçy Gerreiro öz adyna ýazdyrdy.Gollaryň 3-siniň pasyny “Borussiýanyň” şu tomusda “Realdan” kärendesine alan oýunçysy Hakimi berdi.Bu ýeňliş “Atletikonyň” Diego Simeoneniň tälimçiligindäki iň uly hasaply ýeňlişidir.
Toparçanyň beýleki oýnunda “Klub Brýugge” bilen “Monako” 1 utugy paýlaşdy. “B” toparçada “Barselona” “Kamp Nouda” Italiýanyň “Interini” 20 hasabynda utup, 3-nji ýeňşini gazandy.Katalonlaryň adyndan Rafinýa bilen Hordi Alba tapawutlandy. Çekeleşikli we dartgynly geçen oýunda PSW bilen “Tottenham” 22 deňme-deň oýnap, taraplar 1 utugy paýlaşdylar.
Oýnuň 76-njy minutynda iňlis klubunyň fransuz derwezeçisi Hugo Lloris gyzyl kart aldy. “C” toparçada “Liwerpul” liganyň debýutanty “Srwena Zwezdanyň” torundan jogapsyz 4 pökgi girizdi.Gollaryň 2-sini Salah geçirip, onuň “Liwerpuldaky” gollarynyň sany 50-ä ýetdi.
Oýunda Sadio Mane penalti urgusyndan peýdalanyp bilmedi.PSŽ bilen “Napoliniň” arasyndaky duşuşykda ýeňiş gazanan bolmady.Insinýe we Mertens bilen 2 gezek öňe saýlanan “Napoli” 90+3-nji minutda Anhel Di Mariýanyň owadan goluna çäre tapyp bilmedi. “D” toparçada “Lokomotiw” öz meýdançasynda “Portodan” 31 utuldy. Ýer eýeleriniň adyndan 10-njy minutda Fernandeş penaltini dürs ulanyp bilmedi. Şeýle-de 1 goly hasaba alynmadyk “Lokomotiwiň” goragçysy Kwerkweliýa 76-njy minutda gyzyl kart görkezildi.“E” toparçada “Bawariýa” 2 minutda 2 gol geçirip, myhmançylykda AEK toparyny 20 hasabynda ýeňdi.
Gollary Hawi Martines (61) bilen Robert Lewandowski (63) derwezä ýollady.Garaşylyşyndan şowly çykyş edýän “Aýaks” Nuassir Mazrauiniň 90+2-nji minutdaky ýeke-täk goly bilen “Benfikany” 10 hasabynda ýeňdi. “F” toparçada “Mançester Sitä” myhmançylykda “Şahtýory” ýeňmek kyn düşmedi.
Dawid Silwa, Aýmerik Laporte hem-de Bernardo Silwanyň gollary bilen 30 hasabynda ýeňiş gazanan “Siti” myhmançylykda “Şahtýory” ýeňen ilkinji iňlis kluby boldy. 6 goluň geçirilen oýnunda “Hoffenhaým” bilen “Lion” 33 deňme-deň oýnady.
Nemes kluby özlerine 1 utuk gazandyran goly 90+2-nji minutda geçirdi. “G” toparçada “Roma” öz meýdançasynda Moskwanyň SSKA-syny 30 hasabynda ýeňlişe sezewar etdi.Gollaryň 2-sini Jeko, beýlekisini-de Jengiz Ünder geçirdi.
Jekonyň gollarynyň sany 5-e ýetip, ol şu möwsümde Messi bilen 1-nji orny paýlaşýar.Milli çempionatda agyr günleri başdan geçirýän “Real Madrid” öz meýdançasynda Çehiýanyň “Wiktoriýa Plzen” toparyny kynlyk bilen utdy.
Benzema we Marselonyň gollary “Reala” ýeňiş getirdi. “H” toparçada-da Ronaldo öňki toparynyň garşysyna meýdança çykyp, “Ýuwentus” myhmançylykda “Mançester Ýunaýtedi” Paolo Dibalanyň 17-nji minutdaky goly bilen 10 hasabynda ýeňdi. “Ýang Boýz” bilen “Walensiýanyň” arasyndaky oýunda-da ýeňiş gazanan bolmady (11).