Dünýäniň on ýaşdan ýokary ýaşaýjylarynyň üçden iki böleginiň hususy eltelefony bar. Muňa Birleşen Milletler Guramasynyň Halkara elektroaragatnaşyk bileleşigi (ITU) atly ýörite edarasynyň maglumatlary güwä geçýär diýip, Report.az habar berýär.
Resminamada bu görkezijiniň 73 göterime deňdigi aýdylýar, şunda Ýewropada ykjam telefony has köp adamyň göterýändigi bellenýär — 93 göterim, Afrikada ykjam telefon ýaşy 10-dan ýokary bolan ilatyň 61 göteriminde bar.
Ykjam telefonlar— internet ulanmak üçin iň köp ýaýran enjamdyr. Ykjam telefonyň köp ýaýramagy internetiň barha elýeterliligini görkezýär diýlip, edaranyň metbugat habarnamasynda nygtalýar.
Edaranyň maglumatlaryna laýyklykda, häzir dünýäde ýaşlaryň 75 göterimi internetden peýdalanýar.