BMG-niň Baş sekretarynyň Metbugat sekretarynyň kömekçisi Faran Hak günlük metbugat ýygnagynda žurnalistleriň soraglaryna jogap berdi.
Hak, BMG-niň Ynsanperwer kömekler boýunça Utgaşdyryjysy Denise Brownyň Ukrainanyň Herson şäherindäki hassahanada lukmanlardan biriniň ölmegine we 5 işgäriniň ýaralanmagyna sebäp bolan “Rus bombardymanyny kabul edilmesiz diýip häsýetlendirendigini” beýan etdi.
Farhan Hak, Brownyň söweş sebäpli “agyr şertleri başdan geçirýän admalara möhüm hyzmat berýänleriň nyşana alynmagyna” garşy görkezen reaksiýasyna ünsi çekdi.
Soňky hüjümlerde gurban bolan lukmanyň “işe başlan ilkinji güni ýogalandygyny” aýdan Hak, 2022-nji ýylyň fewralynda söweşiň başlamagyndan bäri Bütindünýä saglygy goraýyş guramasynyň Ukrainada saglygy goraýyş ulgamyna 1000-den gowrak hüjüm guralandygyny tassyklandygyny aýtdy.
BMG-niň Baş sekretarynyň Metbugat sekretarynyň kömekçisi Faran Hak şeýşe hem BMG-niň Ynsanperwer işleri utgaşdyryjy ofisiniň asuda ilaty goramak we netijeli derňew geçirmek üçin halkara ynsanpwer hukugyna laýyklykda “aç-açan kesgitlenen borçlara sarpa goýulmagy we öňe sürülen uly düzgün bozmalaryň derňelmegi üçin” çagyryş edendigini nygtady.
Ukrainanyň döwlet Ýolbaşçysy Wladimir Zelenskiý düýn beren beýannamasynda rus goşunlaryyň Kriwiý Rig we Hersen şäherlerinde ýaşaýyş jaýlaryny we uniwersitetiň jaýyny bombalandygyny, ölenleriň hem-de ýaralananlaryň bardygyny habar beripdi.