10-njy dekabrda Türkmenistanyň DIM-de Türkmenistanyň Daşary işler ministri Raşid Meredow bilen BMG-niň Howpsuzlyk Geňeşiniň Terrorçylyga garşy göreşmek boýunça komitetiniň Ýerine ýetiriji direktoratynyň Ýerine ýetiriji direktory Natalýa Germanyň arasynda duşuşyk geçirildi.
Daşary syýasat edarasynyň ýolbaşçysy Natalýa Germanyň Türkmenistanyň Magtymguly Pyragynyň 300 ýyllygyna atly ýubileý medaly hem-de ýadygärlik we sowgatlyk nyşanlary bilen sylaglanmagy bilen gutlady.Häzirki eýeleýän wezipesinde, şeýle hem BMG-niň Baş Sekretarynyň Merkezi Aziýa boýunça Ýörite wekili, Merkezi Aziýa üçin Öňüni alyş diplomatiýa boýunça BMG-niň sebitleýin merkeziniň başlygy (2017-2023 ýý.) hökmünde öňki wezipesinde Türkmenistan bilen BMG-niň arasyndaky konstruktiw hyzmatdaşlygy ösdürmäge we berkitmäge goşýan goşandy üçin Natalýa Germana tüýs ýürekden minnetdarlyk bildirildi.
Natalýa German türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa we Türkmenistanyň Prezidenti Serdar Berdimuhamedowa işine berlen ýokary baha üçin tüýs ýürekden hoşallyk bildirdi, şeýle hem Halkara Bitaraplyk güni mynasybetli iň gowy arzuwlaryny beýan etdi.
Mundan başga-da, N.German Türkmenistanyň sebitdäki parahatçylyga we howpsuzlyga ygrarlylygyna ýokary baha berdi we Türkmenistanyň BMG-niň terrorçylyga garşy edaralary bilen hyzmatdaşlygy güýçlendirmekdäki goşandy üçin minnetdarlyk bildirdi.Söhbetdeşligiň dowamynda R.Meredow Türkmenistanyň terrorçylyga garşy göreşmek we sebitdäki durnuklylyga ýardam bermek ugrundaky tagallalaryna ünsi çekdi we ýurduň möhüm transmilli meseleleri çözmek üçin BMG we onuň hyzmatdaşlary bilen ýakyn hyzmatdaşlygy dowam etdirmäge taýýardygyny aýtdy.
Türkmenistanyň Birleşen Milletler Guramasy we onuň ýöriteleşdirilen edaralary bilen strategiki hyzmatdaşlyga ygrarlylygy tassyklanyldy. /* custom css */ .td_uid_15_6759811a9cf93_rand.td-a-rec-img { text-align: left; } .td_uid_15_6759811a9cf93_rand.td-a-rec-img img { margin: 0 auto 0 0; }