Ýer ýüzündäki adamlaryň sany 8 milliarda ýetdi. Bu barada BMG-niň metbugat gullugy mälim edýär. Ýeriň ilatynyň 8 milliard artmagynyň adamzadyň ösüşinde taryhy tapgyrdygyny guramada aýtdylar. Ilatyň 7 milliarddan 8 milliarda çenli artmagy üçin 12 ýyl gerek bolupdyr. BMG-niň çaklamalaryna görä, 2037-nji ýyla çenli dünýä ilaty 9 milliard bolar.
Birleşen Milletler Guramasynyň Ilat gaznasy (UNFPA) Ýerdäki adamlaryň sanynyň umumy ösüş depgininiň azalýandygyny belledi. Dünýä ilatynyň üçden iki bölegi çaga dogluşynyň derejesi pes bolan sebitlerde ýaşaýar. Ilatyň köpelmegi, esasan, iň garyp ýurtlaryň, esasanam, Sahara çölüniň günortasynda ýerleşýän Afrika döwletleriniň hasabyna ýüze çykýar.