Russiýanyň döwlet Ýolbaşçysy Wladimir Putin, Ukrainadaky gallanyň Russiýanyň gözegçiligi astyndaky portlaryndan daşalyp bilinjekdigini nygtady.
Putin, Rossiýa-24 kanalyna beren beýannamasynda “Biz gallanyň daşalmagy üçin degişli çäreleri göreris. Azow deňizinde we Garadeňizde daşary ýurtly gämileriň howpsyzlygyny üpjün ederis” diýdi.
Gallanyň, Belarusyň üsti aşyr Baltika ýurtlaryna dalaşyp bilinjekdigini nygtan Putin, “Gallanyň Belarusdan dünýä ýurtlaryna ugradylmagy üçin ilkinji nobatda Belarusa goýlan sanksiýalar bes edilmeli” diýdi.
Putin, alternatiw liniýalar hökmünde hem minadan saplanan halatynda Ukrainanyň portlaryna, Polşa, Ruminiýa we Russiýanyň gözegçiligi astyndaky portlara ünsi çekdi.
Beýleki tarapdan Ukrainanyň Daşary işler ministri Dmitro Kuleba, Odesa portundan eksporta ýaňadandan başlamaga taýardyklaryny emma Russiýanyň Odesa hüjüm etmek üçin söwda ýolundan ýerlikli peýdalanyp biljekdigini nygtady.
Ministr Kuleba, Twitterden beren habarnamasynda “Ukraina, Odesa portundan ýaňadandan eksporda başlamak üçin degişli çäreleri görmäge taýar” diýdi