ABŞ-da iň uly sport baýramçylygy hasaplanýan Milli amerikan futboly ligasynyň finaly “Super Bowl” duşuşygynda “Nýu Ingland Patriots” (Boston) topary ýeňiş gazandy.Jorjia ştatynyň Atlanta şäherindäki “Mercedes Benz” stadionynda oýnalan 53-nji “Super Bowl” duşuşygynda “Nýu Ingland Patriots” bilen “Los Anjeles Rems” toparlary duşuşdy. 70081 janköýeriň tomaşa eden duşuşygynyň 1-nji çärýeginde hasap açylmady. 2-nji çärýeginde bostonlylar 3 utuk öňe saýlandylar. 3-nji çärýekde Los Anjeles şäheriniň wekili hasaby deňlemegi başardy. 4-nji çärýekde-de 10 utuk gazanan “Nýu Ingland Patriots” 16:3 hasabynda ýeňşini baýram etdi. Şeýlelikde, “Nýu Ingland Patriots” soňky 5 ýylda 3-nji, umumylykda 6-njy gezek çempion boldy.
Olar häzirki wagtda “Super Bowly” iň köp eýelän iki toparyň biridir.Beýlekisi-de “Pittsburg Stilers” toparydyr. “Nýu Ingland Patriots” çempionlyklarynyň altysyny-da soňky 18 ýylda gazanandygy aýratyn bellärliklidir.
Teleýaýlym arkaly 98,2 million tomaşaçynyň syn eden duşuşygynyň iň ökde oýunçysy diýlip, ýeňiş gazanan topardan Julian Edelman saýlandy.Umumylykda, ýurduň ykdysadyýetine 15 milliard dollara golaý girdeji getiren “Super Bowl” finalynyň şu gezekkisi soňky 10 ýylda iň az tomaşa edilen final diýlip hasaba alyndy.