Bedenterbiýe we sport halkara žurnalynyň 7/24 hepdelik goşundysynda Türkkmenistanyň futbol çempionatynda häzirki wagtda çykyş edýän futbolçylaryň arasynda toparyna iň wepaly 7 oýunçynyň sanawy düzüldi.
Sanawyň birinji ornunda Şagadamyň 29 ýaşly ýarym goragçysy Hydyr Ýakubow goýulýar. Neşiriň habar berşi ýaly, ol kenarýaka toparda 2008-nji ýyldan bäri yzygiderli çykyş edip gelýär.
Ikinji orunda Aşgabadyň goragçysy Atageldi Geldiýew goýlupdyr. 28 ýaşly futbolçy hem 2008-nji ýyldan bäri hiç bir topara geçmän, Aşgabadyň üstünlikleri üçin göreşip gelýär.
Sanawyň ilkinji üçlügini ýene-de Şagadamdan 26 ýaşly goragçy Ionel Kosofana jemleýär. Neşiriň toparyň hünärmeni Kiçigul Kiçigulowyň maglumatlaryna salgylanyp berýän habaryna görä, onuň Şagadamda çykyş edip ýörenine şu ýyl 9 ýyl bolýar.
Bu sanawyň aşakdaky orunlary şeýle:
4. Arslan ÝUSUBOW, 2013-nji ýyldan bäri çykyş edýär.
Kluby: Merw.
Meýdandaky orny: ýarym goragçy.
Doglan wagty: 29.07.1991.
Futbol köýnekçesindäki belgisi: 8.
5. Toýly GOÇNAZAROW, 2014-nji ýyldan bäri çykyş edýär.
Kluby: Merw.
Meýdandaky orny: hüjümçi.
Doglan wagty: 13.10.1991.
Futbol köýnekçesindäki belgisi: 77.
6. Öwezmyrat ÖWEZMYRADOW, 2014-nji ýyldan bäri çykyş edýär.
Kluby: Ahal.
Meýdandaky orny: derwezeçi.
Doglan wagty: 15.09.1993.
Futbol köýnekçesindäki belgisi: 16.
7. Akmämmet METDÄÝEW, 2016-njy ýyldan bäri çykyş edýär.
Kluby: Nebitçi.
Meýdandaky orny: hüjümçi.
Doglan wagty: 23.07.1998.
Futbol köýnekçesindäki belgisi: 9.