Oguzhan adyndaky Inžener-tehnologiýalary uniwersitetinde daşary ýurt dillerini öwretmek Konsepsiýasyny durmuşa geçirmegiň ugurlaryna bagyşlanan ylmy-amaly maslahat geçirildi.
Foruma ýokary okuw mekdepleriniň mugallymlary we talyplary, umumy orta bilim berýän mekdepleriň daşary ýurt dilleri mugallymlary we Milli bilim institutynyň hünärmenleri gatnaşdylar. Maslahat umumy we bölümleriň dördüsinde mejlisler görnüşinde geçirilip, olarda ýüze golaý ylmy habarlar beýan edildi.
Interaktiw tanyşdyryşlar gyzyklanma bildirilen ara alyp maslahatlaşmalaryň üstüni ýetirdi. Maslahata gatnaşan daşary ýurtly myhmanlaryň arasynda D. Azady adyndaky milli dünýä dilleri institutyndan we Oguz han adyndaky Inžener-tehnologiýalary uniwersitetinden degişlilikde Sato Goro we Tanaka Takaşi dagy bardy.
Umumy mejlisde lingwistikanyň dürli ugurlaryna bagyşlanan habarlar bilen çykyş etdiler. Olarda mekdeplerde we ýokary okuw jaýlarynda daşary ýurt dilleriniň has köpüsini öwretmekligi ornaşdyrmak babatda wezipelere garaldy, dilleri suwara bilmek bilimiň çägini giňeldýär, täze mümkinçilikler älemine ýol açýar.
Ussatlar sapagy görnüşinde geçirilen ara alyp maslahatlaşmalara gatnaşanlar, bir tarapdan şol dilde gürleýän we okuw gollanmalarynyň awtorlary bolsa, beýleki tarapdan hünär babatda ösüşe we lingwistik täzeliklere gyzyklanýan diňleýjilerdi. Maslahatyň dowamynda iňlis, ýapon, rus we türkmen dilleri boýunça geçirilen açyk sapaklarda okatmagyň innowasion multimediýa usulýetleri bilen tanyşdyryldy.
Şu ýokary okuw mekdebiniň Diller mekrkezinde okuw-gollanma täzelikleriniň sergisi açyldy. Maslahata gatnaşanlara döredijilik başlangyçlary, hususan-da uniwersitetde öwredilýän dilleriň dördüsinde geçirilýän şygryýet agşamlary barada gürrüň berýän tematiki wideorolikler görkezildi.
Talyplaryň ylmy işläp taýýarlamalarynyň sergisi maslahatyň tematikasynyň üstüni ýetirdi, ýaş oýlap tapyjylar olar bilen dört dilde tanyşdyrdylar.Esasy diwarçalaryň biri biologiýa we genetika kafedrasynyň ýanynda döredilen “Bionika” ylmy gurnagynyň işi bilen tanyşdyrdy.
Mugallym Bekzat Mätýakubowyň ýolbaşçylygynda talyplar birnäçe zady oýlap tapdylar, olaryň arasynda göreji gowşak çagalara daşary ýurt dillerini öwretmäge niýetlenen köp dil bilýän robot hem bar.Patent almaga dalaşgär täzeliklerden elektrik energiýasynyň ulanyşyna we ýylylyk çalşylygyna awtomatik usulda gözegçilik ulgamy möhüm täzelikleriň biridir.
Gapdaldaky diwarçada maglumatlar tehnologiýalary kafedrasynyň müdiri Döwlet Saryýewiň ýolbaşçylygyndaky kompýuter prommalaşadyrmasy boýunça talyplar gurnagynyň täzelikleri görkezildi.Bu halypanyň ýolbaşçylygynda ýaş täzelikçiler täze usullaryň onusyny oýlap tapdylar.Olaryň arasynda daşary ýurt dillerini okatmagy kämilleşdirmek, kitaphanalaryň, diwanhananyň we işgärler bölüminiň işiniň awtomatiki usuly; ýokary okuw jaýynyň talyplarynyň we mugallymlarynyň sapaklara gatnaşygynyň hasabyny ýöretmek; talyplaryň ýetişigini barlamak; tekstleri şifrlemek üçin progammalar bar.
Bu programmalaryň birnäçesi eýýäm ýokary okuw jaýynyň elektron üpjünçilik ulgamyna üstünlikli ornaşdyryldy.
Şeýle hem sergide himiýa we biotehnologiýalar boýunça talyplar gurnaklaryna işjeň gatnaşýanlaryň işläp taýýarlan täzelikleri giňişleýin görkezildi. Ylmy birleşmeleriň ählisiniň ýolbaşçylary—bu ýokary okuw mekdebiniň Ýaş alymlar geňeşiniň agzalarydyr.