Maşgalaly durmuşynyň 80 ýyllygyny bellän ABŞ-ly 106 ýaşly Jon we onuň aýaly 105 ýaşly Şarlotta Henderson dünýäniň iň garry jübüti diýlip ykrar edildi we Ginnesiň rekordlar kitabyna girizildi.
Jon we Şarlotta 1934-nji ýylda Tehas uniwersitetinde okap ýörkäler tanyş bolup, 1939-njy ýylda nikalaşýarlar. Är-aýalyň agtyklary Jeýson Fri olaryň ajaýyp jübütlerdigini we örän bagtlydygyny gürrüň berdi.
Jon öz toýunyň 80 ýyllygyna bagyşlap, Şarlottany iki orunlyk “Roadster 1920” awtoulagynda aýlap, nikalaşan günlerindäki ilkinji wakany ýatlady we oňa gül dessesini sowgat etdi. Hendersonlar bu wakany öz maşgala toparynyň arasynda belläp, bilelikde ýaşan döwürlerindäki düşen köp sanly suratlaryny synladylar. Är-aýal özleriniň ömürleriniň uzaklygyny we maşgaladaky bagtyny özara söýgüsiniň netijesidigini bellediler.