Nusgawy iňlis dramaturgy Uilýam Şekspiriň dirikä çekilen ýeke-täk portreti ýakyn günlerde Britaniýada satuwa çykarylar, oňa näbelli satyjy tarapyndan 10 million funt sterling nyrh kesildi diýip, The Daily Mail gazeti habar berdi. Bu barada MIR 24 ýazýar.
Sungat eseri Patyşanyň köşk nakgaşy Ýakow I Robert Pik tarapyndan 1608-nji ýylda çekilipdir, sungaty öwrenijileriň aýtmagyna görä, 1975-nji ýylda geçirilen söwda auksionynda ol bary-ýogy 400 funt sterlinge satylypdyr. Kartinanyň gollandiýaly Pol wan Somere degişlidigi aýdylýar. Suratyň beýanynda onuň Şekspir diýilýän 44 ýaşly jentelmeniňkidigi nygtalýar, hakykatdanam, Gamletiň awtory 1608-nji ýylda 44 ýaşynda eken.
Emma sungaty öwrenijileriň arasynda muňa gatybir pisint etmeýänler-de ýok däl, käbirleri suratda şekillendirileniň Şekspirdigine şübheli garaýarlar diýip, MIR 24 ýazýar.