Nusgawy iňlis dramaturgy Uilýam Şekspiriň dirikä çekilen ýeke-täk portreti ýakyn günlerde Britaniýada satuwa çykarylar. Kartina näbelli satyjy tarapyndan 10 million funt sterling baha kesildi diýip, “The Daily Mail” gazeti habar berdi.
Sungat eseri Patyşa Ýakow I köşk suratkeşi Robert Pik tarapyndan 1608-nji ýylda çekilipdir. Sungaty öwrenijileriň aýtmagyna görä, 1975-nji ýylda geçirilen söwda auksionynda ol bary-ýogy 400 funt sterlinge satylypdyr. Kartinanyň niderlandly Pol wan Somere degişlidigi aýdylýar. Suratyň beýanynda “Bu kartinanyň Şekspir diýilýän 44 ýaşly jentelmeniňkidigi nygtalýar. 1608-nji ýylda “Gamletiň” awtory 44 ýaşynda eken.
Şeýle-de bolsa, Şekspiri öwreniji alym Maýkl Dobson bu habara şübheli garaýar. Onuň sözlerine görä, suratyň beýik dramaturgyň iki sany ykrar edilen şekili bilen baglanyşygy ýok.