5-nji aprelde prezident Serdar Berdimuhamedow hökümet agzalary bilen mejlis geçirip, ministrlikleriň we edaralaryň ýolbaşçylaryny belledi diýip döwlet täzelikler gullugy TDH maglumat berýär.
Netijede, kiçi Berdimuhamedow diňe üç emeldary çalyşdy:
-maliýe we ykdysadyýet ministriniň orunbasary Toýly Mälikow Türkmenistanyň Merkezi Banknyyň başlygy, şeýlede Halkara Pul Gaznasynda we Aziýa Ösüş Bankynda Türkmenistanyň dolandyryjylary bellendi. 2021-nji ýylyň iýulyndan bu wezipeleri Gadyrgeldi Müşşikow eýeläpdi.
-“Türkmennebit”döwlet şirketiniň başlygynyň orunbasary Guwanç Agajanow edaranyň başlygy bellendi. 2020-nji ýylyň fewralyndan şol wezipäni Güýçgeldi Baýgeldiýew eýeläpdi.
-zähmet we sosial gorag ministriniň orunbasary Döwletgeldi Amanmuhammedow Türkmenistanyň statistika boýunça döwlet toparynyň başlygy boldy. 2019-njy ýylyň iýulyndan kürsini Silap Begbegow eýeläpdi.
Galan 25 ministr,döwlet kärhanalarynyň,edaralarynyň başlyklary öz kürsilerini goradylar.
Olar barasynda rusça doly maglumatlar bilen şu çelgiden tanyşmak mümkin.
25-nji martda prezident Ministrler Kabinetiniň başlygy wezipesinde özüniň ilkinji mejlisini geçirip,premýer-ministriň orunbasarlarynyň öňki düzümini saklady.
Diňe Muhammetguly Muhammedow ykdysady, bank we halkara maliýe gurluşlar boýunça wise-premýer bellenipdi.Mundan öň şol wezipäni kiçi Berdimuhamedow eýeläpdi.The post Berdimuhamedow Türkmenbankyň, ”Türkmennebitiň” we Statistika boýunça Döwlet toparynyň başlyklaryny çalyşdy first appeared on Türkmenistanyň Hronikasy.