16-njy sentiýabrda Berdimuhamedow Köpetdag şaýolunda gurlan Döwlet münberiniň toplumyny açdy diýip döwlet habarlar gullugy TDH maglumat berýär.
Tribunanyň meýdan 20 müň 450 inedördül metre deň . Oňa prezident münberi we myhmanlar üçin 2 müň orunlyk münber girýär.
Münberiň öňündäki meýdanda harby paradlar geçiriler we ykdysady pudagyň sepgitlerine tomaşa ediler.
Şol ýerde Merkezi Aziýada iň uly 120 metrlik LED ekran we 30 metrlik 8 sany direg dikildi. Şeýlede dikuçar meýdançasy we ulag duralgalary bar.
TDH-nyň ýazmagyna görä, “binada kaşaň, mermer bilen işlenilen parad holy, myhmanlar üçin kabulhana we dabaralar zallary bolup, bu işleriň tapawutly aýratynlygy milli öwüşgenlik bolup durýar ”.
Emma, milli telewideniýe münberiň diňe daşyny görkezdi.
Desga syn eden prezident ikinji gatdan konserte we ýurdyň milli baýdagynyň görnüşindäki dronlaryň şüweleňine tomaşa etdi.
Münber binasyny Fransiýanyň “Bouygues Bâtiment” şirketi gurdy we ol 2020-nji ýylda garaşsyzlygyň 29 ýyl dönüminiň öň ýanynda açylmalydy. Münberiň bahasy 109,3 million dollara deň.
Münberiň öňündäki ýoluň we meýdançanyň bahasy 64,66 million manat ( döwlet kursy bilen 18,5 million ýa-da häzirki “gara bazar” nyrhy bilen 2,15 million dollara barabar) bolup, ony Russiýanyň “ Wozrojdeniýe” şirketi gurdy.
Owallar garaşsyzlyk baýramlary Aşgabadyň merkezindäki Garaşsyzlyk meýdançasynda geçirilýärdi.
The post Berdimuhamedow paradlar üçin täze münberi açdy we dronlaryň şouna tomaşa etdi first appeared on Türkmenistanyň Hronikasy.