Prezident Gurbanguly Berdimuhamedow 28-nji fewralda Balkan welaýatyna iş saparyna baryp, “Altyn asyr” emeli kölüni görmäge ugrady. Ol bu ýerde halkara guramalarynyň wekilleri bilen pikir alyşdy.
1 of 6
TDH-nyň habar bermegine görä, duşuşyga BMG-niň Türkmenistandaky hemişelik utgaşdyryjysy Ýelena Panowa, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Natalýa German, ÝUNISEF-niň Türkmenistandaky wekili Şahin Nilofer, ÝHHG-niň Aşgabatdaky merkeziniň ýolbaşçysy Natalýa Drozd, BMG-niň Ösüş maksatnamasynyň Türkmenistandaky hemişelik wekiliniň wezipesini ýerine ýetirýän Natiýa Natswlişwili, BSGG-niň Türkmenistandaky edarasynyň direktory Paulina Karwowska, ÝB-niň Türkmenistandaky edarasynyň işleri wagtlaýyn ynanylan wekili Lýubomir Frebord dagy gatnaşdy.
1 of 9
Neşiriň maglumatyna görä, halkara guramalarynyň wekilleri prezidente öz taslamalaryna berýän goldawy we öndümli hyzmatdaşlygy üçin minnetdarlyk bildirdiler.
1 of 2