2-nji sentýabrda Gyrgyzystanda Bütindünýä çarwa oýunlary başlandy, bir gün soň, 3-nji sentýabrda bolsa, Türki dilli döwletleriň hyzmatdaşlyk geňeşiniň sammiti geçirilýär.
Sebit metbugaty prezident Gurbanguly Berdimuhamedowyň bu çäreleriň ikisine hem gatnaşjakdygyny habar berdi, emma türkmen lideri hiç ýere gitmedi.
Şeýlelikde, şu gün geçirilýän sammite Gyrgyzystanyň baştutany Sooronbaý Žeenbekow, Azerbaýjandan Ylham Alyýew, Gazagystandan Nursoltan Nazarbaýew, Türkiýeden Rejep Taýyp Erdogan gatnaşýar.
Özbegistanyň prezidenti Şawkat Mirziýoýew we Wengriýanyň premýer-ministri Wiktor Orban bu çärä hormatly myhman hökmünde gatnaşýar.