Meşhur türkmen onlaýn kinoteatry Belet Film ykjam programmasy üçin möhüm täzelenme çykardy.
Bu gezek döredijiler ulanyjy tejribesini, howpsuzlygyny we nawigasiýa ýeňilligini ýokarlandyrmaga ünsi jemlediler:
1. Şikaýatlar sahypasy. Ulanyjylar indi filmlere tomaşa edýärkäler ýüze çykan islendik tehniki meseleler ýa-da ýalňyşlyklar barada çalt hem-de ýeňil habar berip bilerler. Aragatnaşyk üçin aýratyn sahypa maglumatlary döredijilere çalt ibermäge we näsazlyklary düzetmek prosesini çaltlaşdyrmaga mümkinçilik berýär.
2. Her bölüm üçin deslapky surat-syny. Seriallar bilen has aňsat tanyşmak üçin indi her bölümiň aýratyn suratlary ýerleşdirildi. Bu ulanyjylara epizodlaryň sanawyny çalt öwrenmäge we zerur bölümi saýlamaga mümkinçilik berýär.
3. Täzelenen Kids Mode. Ýaş tomaşaçylaryň howpsuzlygy Belet Film-iň esasy ileri tutulýan wezipeleriniň biri bolmagynda galýar. Täzelenen Kids Mode tertibi bilen, ulanyjylar çagalarynyň profilini goramak üçin öz PIN-kodlaryny girizip bilerler. Bu ene-atalara çagalarynyň tomaşa edýän mazmuna gözegçilik etmegine has uly mümkinçilik berýär.
Ozal işläp düzüjileriň wideo pleýeriň dizaýnyny we işleýşini düýpgöter täzeläp, has düşnükli we ulanyjy üçin amatly edendigini ýatladýarys.
Her täzelenme bilen Belet Film tomaşaçylaryna has ýakynlaşýar hem-de olara filmlere we seriallara tomaşa etmekde iň ýokary rahatlygy we lezzeti hödürleýär.
Belet Film ykjam programmasyny Play Market-den we App Store-dan ýükläp alyň.
Goldaw hyzmatlary üçin telefon belgisi: (+993 12) 75 02 08.