Türkmenistanly dalaşgärler 2023-nji ýylyň 1-nji ýanwaryna çenli Belarusyň ýokary okuw jaýlaryna girmek üçin ýüz tutup bilerler diýip, şu gün Belarusyň Aşgabatdaky ilçihanasy habar berdi.
Belarus Respublikasynyň Bilim ministrligi 2022-2023-nji okuw ýylyna Belarus Respublikasynyň ýokary okuw mekdeplerinde okamak üçin daşary ýurt raýatlarynyň we raýatlygy bolmadyk adamlaryň resminamalaryny kabul etmegiň möhletini 2023-nji ýylyň 1-nji ýanwaryna çenli uzaltdy diýip, Belarusyň ilçihanasy habar berdi.
Belarusda bilim almak barada jikme-jik maglumaty şu salgydan tapyp bilersiňiz.
Belarus döwlet uniwersitetiniň Belarusda Times Higher Education reýtingine giren ýeke-täk uniwersitetdigini ýatladýarys.
2021/2022-nji okuw ýylynda Belarusda Türkmenistandan baryp okaýan talyplaryň sany 6,6 müňden gowrak boldy.
2022-nji ýylyň 13-nji dekabryndan 2023-nji ýylyň 21-nji martyna çenli Minsk — Türkmenbaşy ugry boýunça Belawiýanyň uçuşlary her sişenbe güni amala aşyrylar. Belawiýanyň uçuşlary üçin onlaýn biletleri www.belavia.by web sahypasyndan, iOS we Android programmalary arkaly satyn alyp bilersiňiz.