"Formula-1"-de "Mersedes" toparynyň sürüjisi Lýuis Hemilton BBC boýunça ýylyň iň gowy sportçusy diýlip yglan edildi. Bu barada RIA Nowosti habar berýär.
Reýtingde "Liwerpulyň" futbolçysy Jordan Henderson ikinji, çapyksuwar Holli Doýl üçünji ýeri eýeledi.Snooker oýunçysy Ronni O'Salliwan, boksçy Taýson Fýuri we kriketçi Stýuart Brod hem ýylyň sportçysy diýen ugurda dalaşgär görkezildi.
Ondan öň, "Korollyk ýaryşlaryna" gatnaşýan toparlaryň ýolbaşçylary Hemiltony "Formula-1"-de 2020-nji ýylyň iň gowy sürüjisi diýlip saýlapdy.Geçen möwsümde Hemilton ýedinji gezek "Formula-1"-iň çempiony boldy we Maýkl Şumaheriň rekordyny gaýtalady. Şeýle hem, Hemilton Şumaheriň köp ýyllap saklan Gran-Pridäki ýeňişleriň sany boýunça rekordyny gaýtalamagy başardy.
Ol oktýabr aýynyň ahyrynda Portugaliýada geçen "F-1"-de 92-nji ýaryşynda ýeňiji boldy.Häzir Hemiltonyň hasabynda 95 ýeňiş bar.