Dünýäniň iň baý adamy Jeff Bezosyň eýeçilik edýän “Amazon” kompaniýasynyň paýnamalarynyň 4,7 göterim ýokarlanmagyndan soň baýlyk rekordyny goýdy. “Bloomberg Billionaires” indeksine görä Bezosyň baýlygy 8,4 milliard artdy.
Düýn Bezosyň baýlygy 211 milliard dollara ýetdi. “Bloomberg” indeksine görä, bu mukdara iň ýakyn adam “Tesla”-nyň baş direktory Ilon Maskdy.Maskyň baýlygy şu ýylyň ýanwar aýynda 210 milliard dollara ýetipdi.
Pandemiýa sebäpli “Amazon”-yň paýnamalarynyň gymmatlamagyndan soň, Bezosyň baýlygy geçen ýylyň mart aýynda 206,9 milliard bolupdy. Bezos ýaňy-ýakynda “Amazon” -yň baş müdiri wezipesinden aýrylsa-da, şereketiň iň uly paýdary bolmagyna galdy.
“Tesla” -nyň baş direktory Ilon Mask we kaşaň haryt satýan Bernar Arno dünýäniň iň baý adamlarynyň sanawynda Bezosdan soň gelýär. “Microsoft”-yň esaslandyryjysy Bill Geýts we “Facebook” -yň baş direktory Mark Zukerberg hem sanawyň başyndaky orunlary eýeleýärler.