
Ak Tamdan berilen maglumata görä Jo Baýden Ysraýylyň Premýer ministri Binýamin Netanýahu bilen geçiren telefon söhbetdeşliginde Ysraýyl bilen Hamasyň arasyndaky ýesir alyş-çalşygy ylalaşygyndan hoşaldygyny beýan etdi.
Gaza ynsanperwer kömekleriň ýetirilmegi meselesini ele alan Jo Baýden mundan başgada Günbatar Şeriada asudalygyň goralmagynyň ähmiýetini belläp geçdi.
Jo Baýden Müsüriň Prezidenti Abdulfettah as-Sisi bilen geçiren telefon söhbetdeşliginde bolsa Müsüriň ýesir alyş-çalşygy ylalaşygynyň baglaşylmagy ugrunda eden tagallalary üçin minnetdarlyk bildirdi.
ABŞ-nyň hiç bir ýagdaýda palestinalylaryň Gazadan ýa-da Günbatar Şeriadan zorluk bilen çykarylmagyna rugsat bermejekdigini aýdan Jo Baýden, Gazanyň gabalmagyna ýa-da Gazanyň serhetleriniň ýaňadandan çyzylmagyna rugsat bermejekdigini aýtdy.
Iki lider mundan başgada Gaza has köp ynsanperwer kömegiň ýetirilmegi babatynda ylalaşyga geldiler.