UEFA Çempionlar ligasynda toparçalardaky duşuşyklar yzly-yzyna 3-nji hepdede oýnalyp, tapgyryň 1-nji günündäki duşuşyklarda 35 gol hasaba alyndy. “A” toparçada “Bawariýa” myhmançylykda “Red Bull Salsburgdan” 62 hasabynda üstün çykdy.
Nemes klubunyň gollarynyň 2-sini Robert Lewandowski (21 p, 88) geçirdi.Kimmihiň 2 asist eden oýnunda “Bawariýanyň” beýleki gollaryny Krsitensen (44 ö.d.), Boateng (79), Sane (83) hem-de Hernandes (90+2) geçirdi. Ýer eýeleriniň gollaryny Berişa bilen Okugawa derwezä girizdi.
Soňky 11 minutda geçiren 4 goly esasynda üstün çykan “Bawariýa” Çempionlar ligasynda bassyr 14 oýundan bäri ýeňiş gazanyp gelýär we bu ugurda öz rekordyny ösdürdi.Toparçadaky beýleki oýunda-da “Lokomotiw” bilen “Atletiko Madrid” 11 deňme-deň oýnady.
Ispan topary ilkinji bolup hasaby açyp, gol 18-nji minutda Himenes derwezä girizdi.Rus klubunyň hasaby deňlän goluny-da Anton Mirançuk penaltiden (25) öz adyna ýazdyrdy. “Atletiko Madridiň” täze transfer Luis Suares Çempionlar ligasynyň çäginde myhmançylykdaky ýene bir oýunda tapawutlanyp bilmedi. Şunlukda, onuň bu görkezijisi 23 oýna çykdy.