Germaniýanyň Bundesligasynda möwsümiň tamamlanmagyna 3 tapgyr galanda Bawariýa çempionlygyny yglan etdi.Münhenliler 31-nji tapgyrda Dortmundyň Borussiýasyndan 3-1 hasabynda üstün çykdy.Duşuşykda Bawariýanyň gollaryny Gnabri (15), Lewandowski (34) hem-de Musiala (83), Borussiýanyň goluny-da Emre Jan (52 p) geçirdi. Şeýlelikde, Bawariýa 2-nji ýerdäki Borussiýa Dortmund bilen utuk aratapawudyny 12-ä çykaryp, bassyr 10-njy çempionlygyny gazandy.
Bu olaryň Bundesligadaky 31-nji, umumylykda-da 32-nji çempionlygydyr.Bawariýa Ýewropanyň öňdebaryjy 5 çempionatynda yzly-yzyna 10 çempionlyk gazanan ilkinji klub hökmünde hasaba alyndy.
Bundesligada 3-nji ýerdäki Leipsig öz meýdançasyna Union Berlinlinden soňky minutlarda geçirden gollary esasynda 2-1 utulyp, 4-nji orna düşdi.Myhmançylykda Groýter Furti 4-1 ýeňen Baýer 3-nji orna beýgeldi (Willems 5 Şik 8, Azmun 18, Paulinio 58, Palasios 84).
Duşuşykda Baýer toparynyň eýranly hüjümçisi Serdar Azmun Bundesligadaky ilkinji goluny geçirdi. Şeýle-de bu ýeňlişden soň Groýter Furt Bundesliga bilen hoşlaşan ilkinji klub boldy.