Germaniýanyň Kubogyna Bawariýa futbol topary mynasyp boldy.Münhenliler Berlindäki Olimpiýa stadionynda oýnalan finalda Baýeri 4-2 hasabynda ýeňlişe sezewar etdi.Bawariýa ýeňiş getiren gollary 16-njy minutda Dawid Alaba, 24-nji minutda Serge Gnabri, 59-njy we 89-njy minutlarda-da Robert Lewandowski derwezä girizdi.
Baýeriň gollaryny bolsa, 63-nji minutda Swen Bender, 90+3-nji minutda penaltiden Kaý Hawerts öz adyna ýazdyrdy. Şeýlelikde, Bawariýa Bundesligada 30-njy çempionlygyndan soň, kubok ýaryşynda-da 20-nji gezek ýeňiji boldy.