Germaniýanyň “Bundesligasynda”-da sanawyň lideri üýtgedi. “Union Berlin” bilen myhmançylykda duşuşan “Bawariýa” 2 utuk ýitirdi (Prýomel 4 Lewandowski 67). Öz meýdançasynda “Hoffenhaýmy” Beýli (2), Baumgertner hem-de Alarionyň gollary bilen 4-1 hasabynda ýeňen Lewerkuzen şäheriniň “Baýeri” 1-nji oýna çykdy. Ýeňlişsiz barýan “Baýer” 5 ýyldan soň, “Bundesligada” 1-nji orna çykmagy başardy.
Ýewropanyň öňdebaryjy çempionatlarynyň käbirlerinde oýnalan soňky tapgyrlardan soň, sanawyň lideri üýtgedi.Fransiýanyň çempionaty “Ligue 1”-de tapgyryň merkezi oýnunda PSŽ öz meýdançasynda “Liondan” 1-0 utuldy.
Duşuşykda ýeke-täk goly 35-nji minutda Kadewere geçirdi.Oýnuň ahyrlarynda, has takygy, 90+6-njy minutda PSŽ-niň braziliýaly ýyldyzy Neýmar agyr şikes aldy.Bu ýeňlişden soň, PSŽ 3-nji orna düşdi. Öz meýdançasynda “Bordony” 2-1 ýeňen “Lill” sanawyň täze lideri boldy.
Ispaniýanyň “La Ligasynda” hem Madrid derbisinden “Realdan” 2-0 (Kazemiro 15, Oblak 63 ö.d.) utulan “Atletiko” 2-nji orna düşdi. “Atletiko” topary şu möwsümde ilkinji gezek ýeňlişe sezewar boldy. Öz meýdançasynda “Eýbar” bilen 1-1 deňm-deň oýnan “Real Sosiedad” ýene-de täzeden liderlige gaýdyp geldi.
The post “Bawariýa” Berlinde büdredi, PSŽ “Liondan” utuldy appeared first on Zaman Türkmenistan.