ÝUNESKO-nyň Bütindünýä mirasynyň sanawyna girizilen Joseriň piramidasy 14 ýyllap abatlaýyş işleri geçirilenden soňra myhmanlaryny kabul edip başlady.Müsüriň paýtagty Kairiň 30 kilometr golaýyndaky Sakkara obasyndaky bu taryhy desga Basgançak piramidasy hem diýilýär.
Sebäbi, onuň daşy basgançak görnüşli edilip gurlupdyr. 4700 ýyllyk binany abatlamak üçin 6,6 million dollar sarp edilipdir.Joseriň piramidasy Gadymy Müsüriň üçünji dinastiýasynyň faraony Joser döwründe bina edilipdir.
Bu binany abatlamak we ýykylmagynyň öňüni almak maksady bilen 2006-njy ýylda taslama taýýarlandy.Piramidanyň beýikligi 60 metre, ini 70 metre golaý.Taslamanyň çäklerinde binanyň daş töweregi we oňa barýan ýol hem abatlanypdyr.