“Mançester Sitiniň” germaniýaly futbolçysy Ilkaý Gündogan mundan soňky karýerasyny Ispaniýada dowam etdirer. Asly türk bolan ýarymgoragçy “Barselona” bilen 2+1 ýyllyk şertnama baglaşdy. 33 ýaşyndaky ýyldyz oýunçynyň “Mançester Siti” bilen şertnamasy tamamlanypdy. Oýunçyny başga bir klub transfer etmek islese, onda 400 million ýewro tölemeli bolar.
“Mançester Sitide” 7 ýyllap çykyş eden Gündogan 304 oýunda 60 gol geçirdi. Gündogan “Mançester Sitiden” öň “Borussiýa Dortmundda”, ondan öňem “Nürnbergde” çykyş edýärdi. Ilkaý Gündogan Germaniýanyň ýygyndysynda-da 67 oýunda 17 goly öz adyna ýazdyrdy.