Ispaniýanyň Şa Kubogy ýaryşynda 1/8 finalda “Barselona” ýeňiş gazanmak juda ýeňil, “Real Madride” bolsa juda kyn düşdi. Iki topar hem myhmançylykda duşuşyp, “Barselona” 3-nji liganyň wekili “Seuta” toparyndan 5-0 üstün çykdy. Katalonlara uly hasaply ýeňiş getiren gollary Rafinýa (41), Lewandowski (50, 90), Fati (70) hem-de Kessi (77) geçirdi.
“Real Madrid” bolsa myhmançylykda “Wilýarreal” bilen duşuşdy. Ýer eýeleri Kapue (4) we Çukwuezeniň (42) gollary esasynda 1-nji ýarymda 2-0 öňe saýlandy. Ýöne ruhdan düşmedik madridliler kynlyk bilenem bolsa ýeňiş gazanmagy başardy. 57-nji minutda Winisius Junior, 69-njy minutda Eder Militao hem-de bu iki gola-da uly goşant goşan, 1-nji goluň pasyny beren Seballos 86-njy minutda “Realyň” adyndan tapawutlanan oýunçylar boldy. “Barselona” bilen “Realdan” öň “Atletiko”, “Sewilýa”, “Walensiýa”, “Atletik Bilbao”, “Osasuna” hem-de “Real Sosiedad” toparlary çärýek finala çykypdy. Çärýek finalyň bijeleri şu gün çekiler we duşuşyklar 24-26-njy ýanwarda oýnalar.