UEFA Çempionlar ligasynda “G” toparçada 2-nji tapgyra çykan klublar belli boldy. Messisiz Kiýewde ýerli “Dinamo” bilen duşuşan “Barselona” 40 hasabynda ýeňiş gazandy. 2-nji ýarymda geçirilen gollary 52-nji minutda täze transfer Dest, 57-nji we 70-nji (pen.) minutlarda Breýtweýt hem-de 90+2-nji minutda Grizmann öz atlaryna ýazdyrdylar.
Beýleki oýunda “Ýuwentus” öz meýdançasynda “Ferenswaroşdan” kynlyk bilen 2-1 hasabynda üstün çykmagy başardy. 19-njy minutda Uzuniniň goly bilen öňe saýlanan wenger toparynyň derwezesinden ýeňiş gollaryny 35-nji minutda Kristiano Ronaldo bilen 90+2-nji minutda Alwaro Morata girizdi. Bu Ronaldonyň toparçalardaky 64-nji goly, umumylykda Çempionlar ligasyndaky 131-nji goluny öz adyna ýazdyrdy.
Şeýlelikde, 4 oýunda “Barselona” 12, “Ýuwentus” 9 utuk toplap, wagtyndan ir 1/8 finala çykmagy başardy. 1 utugy bolan “Dinamo Kiýew” bilen “Ferenswaroşyň” haýsy hem bolsa, biri galan oýunlardan soň, öňe saýlanan topar bagtyny Ýewropa ligasynda synap görer.
“Dinamo Kiýew” “Barselona” 0:4 (Dest 52, Braýtwaýt 57, 70 p, Grizmann 90+2)
“Ýuwentus” “Ferenswaroş” 2:1 (Ronaldo 35, Morata 90+2 Uzuni 19)