Ispaniýanyň Superkubogynyň finalynda Barselona bilbaoly Atletikden ýeňildi. Katalonlylar duşuşygyň goşmaça wagtynda 2:3 hasabynda asgyn geldiler.
Barselonanyň düzüminde Antuan Grizmann dubl etmegi başardy. Atletikden bolsa Oskar De Markos, Asýer Wilýalibre we Inýaki Uilýams tapawutlandylar. Katalon toparynyň ýyldyz oýunçysy Lionel Messi duşuşygyň 120-nji minudynda garşydaş topardan Wilýalibreniň kellesine uranyndan soň gyzyl duýduryş alyp oýundan çykaryldy. Atletik taryhynda üçünji gezek ýurduň Superkubogyny gazanmagy başardy.