“Forbes” žurnaly dünýäniň iň gymmat 20 futbol klubunyň sanawyny hödürledi. Reýtingiň taryhynda ilkinji gezek birinji orny “Barselona” eýeledi. Bir ýyl ozal sanawyň birinji ornunda Madridiň “Realy” ýerleşipdi. Bu barada kommersant.ru habar berýär.
“Barselonanyň” bahasy 4,76 milliard dollar bilen bahalandyryldy.Soňky 16 ýylda reýtingiň birinji ornuny diňe iki toparyň biri eýeläpdi.Bäş gezek bu “Real”, 11 gezek “Mançester Ýunaýted” boldy.
Häzir “Real” ikinji orny eýeledi (4,75 milliard dollar). Üçlügi “Bawariýa” jemleýär (4,215 milliard dollar).Onluga “Mançester Ýunaýted” ($4,2 mlrd), “Liwerpul” ($4,1 mlrd), “Mançester Siti” ($4 mlrd), “Çelsi” ($3,2 mlrd), “Arsenal” ($2,8 mlrd), “Pari Sen-Žermen” ($2,5 mlrd) we “Tottenhem” ($2,3 mlrd) hem girdi. Ýigrimilige Angliýanyň çempionatynyň birbada 9 kluby goşuldy.
Klublaryň bahasy seljerilende “Forbes” 2019/2020 möwsüm üçin girdejini we operasion girdejini hasaplady.Girdejiler hasaplananda klub oýunçylaryny kärendesine bermekden gelýän girdeji göz öňünde tutulmady.Koronawirus sebäpli oýunlara gatnaşyjylaryň çäkli bolmagy bilen baglylykda klub girdejileriniň pese gaçandygyna garamazdan, ortaça baha ýokarlandy diýip, neşir belleýär. 2019-2020 möwsüminde 20 klubuň ortaça girdejisi $441 milliona barabar boldy.
Bu 2017-2018 möwsümine garanyňda, 9,6% azdyr. Şol bir wagtda ortaça operasion girdeji hem 70% - $23 milliona çenli azaldy.