Futzal boýunça UEFA Çempionlar Ligasynyň kubogyna “Barselona topary mynasyp boldy.Katalonlar Latwiýanyň paýtagty Rigada geçirilen final tapgyrynda Portugaliýanyň klublary bilen duşuşdy. Ýarym finalda “Benfikany” goşmaça wagtda 5-4 ýeňen “Barselona” finalda geçen möwsümiň çempiony “Sportingden” 4-0 üstün çykdy.
Ispan klubuna çempionlyk gazandyran gollary Lozano, Pito, Ferrao hem-de Didaç Plana derwezä girizdi. Şeýlelikde “Barselona” topary geçen ýylky finalyň aryny alyp, taryhynda 4-nji gezek bu kubogy eýeledi. “Barselona” topar 2001/02 möwsüminden bäri geçirilýän bu ýaryşda 2011/12 hem-de 2013/14 möwsümlerinde finalda “Dinamo Moskwany”, 2019/20 we 2021/22 möwsümlerinde-de “Sportingi” ýeňmegi başardy.
“Barselona” 2 gezek hem finalda utuldy (2014/15 – “Kaýrat”, 2019/20 – “Sporting”).
Ýaryşda 3-nji orna Fransiýanyň “Anier Willenýuw” toparyndan 5-2 üstün çykan “Benfika” topary mynasyp boldy.