Barbi filminiň dünýädäki kassa ýygymlary bary-ýogy 17 günüň içinde bir milliard dollardan geçdi diýip, Habar 24 ýazýar.
Girdejileriň tas ýarpy bölegi Demirgazyk Amerika degişlidir. Variety neşiriniň ýazmagyna görä, filmiň režissýory Greta Gerwig filmi şeýle köp girdeji gazanan ilkinji zenan boldy. Bu şeýle-de önümçilikçi Warner Bros. kinostudiýasy üçin hem rekord girdejidir.
Mundan öň bu studiýanyň Garri Potter baradaky filmi 19 günüň içinde şeýle kassa ýygymyny toplapdy.
Barbi atly täze komediýada Barbi gurjagynyň hakyky dünýä syýahat edip, gözellik ölçegine garşy göreşi beýan edilýär.