Ýurduň resmileri 17 adamyň ýyldyrymyň çakmagy netijesinde, 5 adamyň gark bolup, 4 adamyň ýer süşgüninde we 1 adamyň gämi heläkçiliginde bolmak bilen jemi 27 adamyň ýogalandygyny habar berdiler.
Bangladeşiň Tebigy apat dolanşygy we ýardam edarasynyň başlygy Enamur Rahman: "Häzirki wagta çenli ýurduň 64 etrabynyň 10-syna sil apaty sebäpli ýaramaz täsir ýetdi" diýip mälim etdi.
Enamur Rahman demirgazyk-gündogardaky Sylhet we Sunamganž sebitleriniň eýýäm 100 ýyl bäri bular ýaly uly derejedäki sil apatyny başlaryndan geçirmändigini aýan etdi.
Etraplarda sil sebäpli 5 milliondan gowrak adama ýaramaz täsir ýetirdi, müňlürçe adam kyn ýagdaýda galdy.
Ýurduň goşunynyň kyn ýagdaýda galan adamlary halas etmek üçin iş alyp barýandygy beýan edildi.
Suwuň tiz akmagy sebäpli Padma derýasynda iki gäminiň çakyşmagy netijesinde azyndan 10 adam ýaralandy.