Indoneziýanyň Bali adasyna we ol ýerdäki ÝUNESKO-nyň bütindünýä mirasynyň sanawyna girizilen ýerlere suw gytlygy abanýar. Bilermenleriň maglumatlaryna görä, muňa adada jahankeşdeligiň ösmegi, ilatyň artmagy we suw gorlarynyň bisarpa peýdalanylmagy sebäp bolýar diýip, Habar 24 ýazýar.
1980-2020-nji ýyllar aralygynda adanyň ilaty 70 göterimden hem köpelip, 4 million adamdan geçipdir. Bu maglumatlary Indoneziýanyň hökümeti adada geçirilen ilat ýazuwynyň netijeleri esasynda habar berýär.
Suw ýetmezçiligi eýýäm Baliniň demirgazyk-günbatarynda duýulýar. Ekologlardyr işjeňler ýagdaýyň gitdigiçe ýaramazlaşjakdygyny çaklaýarlar.