UEFA-nyň ikinji derejeli ýaryşynda 47 ýyldan soň, iki iňlis toparynyň arasyndaky Ýewropa Ligasynyň finaly 29-njy maýda, çarşenbeden penşenbä geçilýän gije oýnalar. “Arsenal” bilen “Çelsiniň” arasyndaky bu final Azerbaýjanyň paýtagty Bakudaky Olimpiýa stadionynda oýnalyp, italiýaly Janluka Rokkiniň eminlik etjek oýny Aşgabat wagty bilen 00:00-da başlanar.
198-nji duşuşykIki topar mundan ozal UEFA-nyň ýaryşlarynda 2 gezek duşuşdylar. 2004-nji ýylda Çempionlar ligasynyň çärýek finalynda gabatlaşan toparlaryň şol oýunlarynda 11 we 12 netijeler hasaba alnyp, “Çelsi” ýarym finala çykypdy. 1907-nji ýyldan bäri duşuşyp gelýän iki topar Angliýanyň çäklerindäki bäsleşiklerde 195 gezek özara güýç synanyşdy. Şolarda 76 sapar “Arsenal”, 62 gezegem “Çelsi” ýeňiş gazandy.
Iki klub Angliýanyň ýokary ligasynda 164 oýun geçirip, şolarda “Arsenal” 63, “Çelsi” bolsa 52 sapar ýeňşini baýram etdi. Şu möwsümdäki duşuşyklara seredenimizde, “Çelsi” öz meýdançasynda 32, “Arsenal” hem öz meýdançasynda 20 utdy.
Bakuda oýnaljak final 2 toparyň arasyndaky 198-nji duşuşyk bolar. “Arsenal” mundan öňki 197 oýunda 275, “Çelsi” bolsa, 256 gol geçirdi.
“ÇELSINIŇ” 5, “ARSENALYŇ” 1 KUBOGY BAR“Çelsi” şu oýna çenli UEFA-nyň bäsleşiklerinde 8 final duşuşygyny geçirdi.Olar şol oýunlaryň 5-sinde ýeňiş gazanan tarap boldy. “Çelsiniň” Çempionlar ligasynda (2013), Ýewropa ligasynda (2012), UEFA Super Kubogynda (1998) 1, ozalky Kubokçylaryň kubogy ýaryşynda-da 2 (1971, 1998) ýeňşi bar. “Arsenal” UEFA-nyň ýaryşlarynda 6 gezek finala çykyp, topçular diňe 1994-nji ýylda Kubokçylaryň kubogyny gazanmagy başardy.