Bloomberg agentliginiň analitikleri ilatynyň köp bölegine sanjym edilen ýurtlary atlandyrdylar. Öňdebaryjy ýurtlaryň hataryna Birleşen Arap Emirlikleri (65,1 göterimine sanjym edilen), Çili (64,5 göterim), Belgiýa (60,6 göterim), Ysraýyl (59,5 göterim), Ispaniýa (59 göterim) girdi. Bu barada lenta.ru habar berýär.
Umuman alanyňda, agentligiň hasaplamalaryna görä, “global sanjym” döwründe 180 ýurtda 4,27 milliarddan gowrak doza sanjym edildi.
Bütindünýä saglygy goraýyş guramasynyň baş direktory Tedros Adhanom Gebreýesus eýýäm iki sanjym alan ilatly ýurtlary rewaksinasiýany togtadyp, koronawirusa garşy serişdeleri garyp ýurtlar bilen paýlaşmaga çagyrdy.
Gaýtadan sanjym işiniň eýýäm başlandygyny habar beren Ysraýyl, Fransiýa, Germaniýa, Ýakyn Gündogar we Russiýa ýaly ýurtlary BSGG-niň ýolbaşçysy “güýçlendiriji” serişdeleri ilatynyň 10-dan az göterimi sanjym alan ýurtlara ibermäge çagyrdy. Olaryň hataryna Uganda (0,1 göterimden az), Çad Respublikasy (0,1 göterim), Merkezi Afrika Respublikasy (0,2 göterim) we Mawritaniýa (0,2 göterim) degişlidir.