Birleşen Arap Emirlikleri Afrika ýurtlaryna arassa energiýa pudagyndaky taslamalary durmuşa geçirmek üçin 4,5 milliard dollar bölüp bermegi meýilleşdirýär diýip, ýurduň senagat we öňdebaryjy tehnologiýalar ministri hem-de COP 28 -iň başlygy Sultan ben Ahmed al-Jaber Naýrobide geçen Afrikanyň howa sammitinde habar berdi. Bu barada Report.az neşiri ýazýar.
Ministriň sözlerine görä, taslamalar Abu-Dabini ösdürmek gaznasynyň, Etihad Credit Insurance eksport-karzlaşdyryş wekilhanasynyň, şeýle hem gaýtadan dikeldilýän energiýanyň dünýä bazarynda iň çalt ösýän Masdar we AMEA Power kompaniýalaryň hasabyna maliýeleşdiriler.
Al-Jaber öz ýurdunyň Afrika yklymynda ekologiýa taýdan arassa energiýa üçin maýa goýumlaryň işewürlik babatda maksadalaýyklygyny iş ýüzünde subut etmekçi bolýandygyny sözüniň üstüne goşdy.