Türkmenistanyň Daşary işler ministriniň orunbasary Berdinyýaz Mätiýew Türki Döwletleriň Guramasynyň (TDG) daşary işler ministrler Geňeşiniň nobatdaky mejlisine gatnaşdy.
Duşuşykda gatnaşyjylar iň ýokary derejede gol çekmek üçin resminamalaryň taslamasyny gözden geçirdiler we ylalaşdylar. Özbegistanyň TDG-de başlyklyk etmeginiň netijeleri hem jemlenip, öňde Gazagystanyň başlyklyk etmeginiň ileri tutulýan ugurlary kesgitlenildi.
Guramanyň çäginde pudaklaýyn hyzmatdaşlygyň esasy ugurlaryna, esasanam ykdysadyýet we ulag pudagyna aýratyn üns berildi. 2023 — 2027-nji ýyllar üçin Türki Döwletleriň Ulag aragatnaşyk Maksatnamasyny durmuşa geçirmek boýunça bilelikdäki hereketleriň meýilnamasy tassyklandy.
Duşuşykda TDG-niň beýleki halkara we sebit guramalary bilen gatnaşygyny giňeltmegiň geljegi hem ara alnyp maslahatlaşyldy.