Italiýanyň çempionaty “Serie A”-da 11-nji tapgyrda “Roma” öz meýdançasynda “Leççeni” kabul etdi. Çekeleşikli geçen oýnuň 1-nji ýarymynda hasap açylmady. 2-nji ýarymda 3 gol geçirilip, ilki myhmanlar hasaby açdy.
Duşuşygyň 72-nji minutynda Pontus Almkwist “Leççeni” 1-0 öňe saýlady. Ýöne Žoze Mourinionyň şägirtleri ruhdan düşmän ýeňiş gazanmagy başardy. “Roma” topary ýeňiş gollaryny 90-njy minutdan soň geçirdi. 73-nji minutda oýna giren Serdar Azmun 90+1-nji minutda hasaby deňlese, 90+4-nji minut Romelu Lukaku toparyna ýeňiş getirdi.
Belgiýaly hüjümçi 4-nji minutda penaltini dürs urup bilmändi.Eýranly futbolçy Serdar Azmun “Serie A”-daky ilkinji goluny geçirdi.
Bu ýeňişden soň Rim derbisiniň öňüsyrasynda utugyny 17-ä çykaran “Roma” 7-nji orna beýgeldi.